مرتجعات الموردين

بدل ما تفرز التالف والمرتجع بإيدك عشان تعرف كل حاجة ترجعها لمين: محاسبي عارف كل قطعة جت منين، فبيفرزها لوحده.

إزاي القطع بتدخل السلة

• مرتجع من عميل وعلّمت القطعة «تالفة» وكتبت السبب.
• قطعة غيار طلعت بايظة في الصيانة.
• من المخزون: «طلّع للمرتجعات» على أي صنف.

المصدر بيتعرف لوحده من الـ IMEI أو من الدفعة اللي القطعة طلعت منها، ولو مش واضح البرنامج بيوريك الموردين اللي اشتريت منهم الصنف ده تختار منهم.

إذن المرتجع

1. اختار القطع من السلة، واعمل إذن مرتجع لكل مورد بضغطة.
2. اطبعه أو ابعته للمورد واتساب، وعلّمه «اتسلّم للمورد».
3. لما المورد يرد: حدد اتقبل كام من كل صنف، والتعويض رصيد على حسابه أو فلوس راجعة أو بضاعة بديلة.
4. اللي اترفض يرجع المخزون، أو يتعدم كتالف.