الاستيراد

للمحلات اللي بتستورد بنفسها: كل اللي بتتعامل معاهم (المصنع، الوسيط، شركة الشحن، المخلّص) جهات اتصال ليها حسابات بالجنيه، وكل شحنة بتمشي معاك لحد ما تدخل المخزن بتكلفتها الحقيقية.

الشحنة

1. سجّل الشحنة: المورد، الفرع اللي هتتستلم فيه، الأصناف بالكمية وسعر الشراء بالجنيه، والمبلغ الأصلي بالدولار لو حابب تفتكره.
2. تابع حالتها: تم الطلب ← اتشحنت ← في الجمارك ← وصلت. والمتأخرة عن ميعادها بتبان لوحدها، وبيوصلك إشعار عليها.
3. ضيف المصاريف: شحن، جمارك، تخليص، نقل داخلي، عمولة وسيط. كل مصروف على حساب الجهة اللي ليها الفلوس، أو اتدفع على طول.
4. ارفع الأوراق: الفاتورة، قايمة التعبئة، البوليصة، صور البضاعة.

الاستلام والتكلفة النهائية

• وقت الاستلام بتكتب اللي وصل سليم والتالف لكل صنف (والموبايلات بالـ IMEI).
• المصاريف بتتوزع على الأصناف بالقيمة أو بالعدد أو بالوزن (من قايمة التعبئة)، والتكلفة النهائية لكل صنف بتتحسب قدامك قبل ما تأكد، وهي اللي بتدخل بيها المخزن، فالمكسب يطلع حقيقي.
• النواقص والتالف تقدر تطالب بيهم المورد: قيمتهم بتتخصم من حسابه.

الفلوس

• كل دفعة بتسجلها: المبلغ، الطريقة (بنك، شركة تحويل، وسيط، كاش، محفظة)، مين استلم، رقم العملية، وصورة الإيصال.
• الكاش والمحفظة بيطلعوا من درج ورديتك وبيبانوا في تقفيلها، أو من الخزنة لو اخترت كده.
• كشف حساب لكل جهة: عليك كام، دفعت كام، والباقي، بكل شحنة ومصروف ودفعة ومطالبة.
• الدفعة اللي اتسجلت غلط بتتلغي (وبتفضل ظاهرة متشطبة)، مش بتتمسح.