الشحن والتحويلات
محافظ فودافون كاش واتصالات وأورانج وإنستاباي، ورصيد الشحن، بالعمولة ومكسبها.
لو المحل بيعمل إيداع وسحب لمحافظ الموبايل أو بيبيع رصيد، القسم ده بيخلّي كل جنيه متسجل: رصيد كل محفظة، الكاش في الدرج، والعمولة اللي كسبتها.
المحافظ والأرصدة
من «المحافظ والإعدادات» ضيف كل محفظة (فودافون كاش، اتصالات كاش، أورانج كاش، وي باي، إنستاباي) وكل رصيد شحن، برصيدها الحالي. ولكل واحدة حدد العمولة: نسبة، أو مبلغ ثابت، أو حد أدنى وأقصى، مع التقريب.
العمليات
- إيداع: العميل بيدفعلك كاش وإنت بتحوّل له من محفظتك. الدرج بيزيد بالمبلغ والعمولة، والمحفظة بتقل.
- سحب: العميل بيحوّل لمحفظتك وبياخد كاش. المحفظة بتزيد، والدرج بيقل بالمبلغ ناقص العمولة.
- شحن رصيد: بتبيع رصيد، والمكسب هو العمولة وفرق سعر الرصيد اللي اشتريته من الموزع.
- تمويل وتسييل: تنقل فلوس بين الدرج أو الخزنة والمحفظة، أو تشتري رصيد من الموزع بخصم.
الشاشة معمولة للسرعة: اختار المحفظة، اكتب المبلغ، والعمولة بتتحسب لوحدها، وEnter بيسجّل. وتقدر تختار المحفظة بـ Alt + رقمها.
العملية الغلط متتمسحش: اعمل لها «عكس» وهي بترجع كل حاجة زي ما كانت. الكاشير يعكس عملياته في نفس اليوم، والمدير أي عملية.
كل عملية كاش بتدخل درج الوردية، ومكسب الشحن والتحويلات بيظهر لوحده على الرئيسية وفي تقرير خاص، منفصل عن مكسب البضاعة.