الصيانة
استلام الجهاز، الأعطال، مراحل التذكرة، قطع الغيار، التسليم والضمان.
كل جهاز بيدخل المحل بياخد تذكرة (RP-00001) بتفضل معاه لحد ما يتسلّم، وكل خطوة بتتسجل عليها بالوقت واسم اللي عملها.
الاستلام السريع (للشاشات اللمس)
«استلام جهاز» بيفتح على خطوات بزراير كبيرة: رقم الموبايل من لوحة أرقام على الشاشة (ولو العميل موجود بيظهر تختاره)، ثم الاسم، ثم الجهاز (الأجهزة اللي بتستلمها كتير أول حاجة، أو الماركة ثم الموديل)، ثم العطل (الأعطال الأكتر عندك أول حاجة)، وبعدها السعر والميعاد والقفل والعربون لو حابب. بعد الحفظ الإيصال بيتطبع ودوس «جهاز تاني». ولو محتاج كل التفاصيل (IMEI، الحاجات اللي معاه، حالته، الفحص) افتح «الفورم الكامل».
الفورم الكامل
- العميل: اختاره أو اكتب اسمه ورقمه.
- الجهاز: الموديل واللون والـ IMEI، والقفل (باسورد أو باترن)، والحاجات اللي معاه، وحالته (خدوش، شاشة مكسورة...).
- العطل: اختار من قوايم الأعطال الجاهزة، واكتب ملاحظات.
- السعر المبدئي والعربون وميعاد التسليم والفني.
- اطبع إيصال الاستلام: عليه QR العميل يتابع بيه حالة جهازه من موبايله.
المراحل
مستلَم ← قيد الفحص ← مستني موافقة العميل ← قيد الإصلاح ← مستني قطعة ← جاهز للتسليم (أو مرفوض). ولكل مرحلة رسالة واتساب جاهزة بتبعتها بضغطة.
- قطع الغيار: بتخرج من المخزون على التذكرة، ولو اتشالت بترجع.
- التسليم: الباقي بيتحصّل (أو آجل على العميل)، والضمان بيبدأ.
- الضمان: رجع الجهاز في الضمان؟ افتح تذكرة ضمان مربوطة بالقديمة.
- عمولة الفني: نسبة من المصنعية أو من المكسب أو مبلغ ثابت لكل جهاز، وبتتحسب عند التسليم.
- محل شريك: ابعت الجهاز لمحل تاني على السيستم، وتذكرتك بتمشي مع حالته عندهم.
كود قفل الجهاز محفوظ متشفّر، وبيظهر بس للي بيشتغل على الصيانة.