ابدأ في 10 دقايق
تسجيل المحل، أول دخول، والشاشة الرئيسية واختصاراتها.
محاسبي بيفتح من المتصفح على الكمبيوتر أو الموبايل أو التابلت، ومن غير أي تسطيب. كل اللي محتاجه متصفح حديث (Chrome أو Edge أو Safari) ونت وقت التسجيل.
تسجيل المحل
- ادخل على صفحة التسجيل واكتب اسم المحل واسمك ورقم موبايلك وكلمة سر.
- اختار نوع شغلك (إكسسوارات، صيانة، موبايلات، جملة، استيراد). ينفع تختار أكتر من نوع، والبرنامج هيفتحلك الأقسام اللي تناسبك بس.
- اكتب اسم الفرع (مثلاً «الفرع الرئيسي»). تقدر تضيف فروع بعدين.
- خلاص! إنت جوه، ومعاك 14 يوم تجربة ببلاش بكل الأقسام المناسبة لنوع محلك.
التصنيفات الأساسية (جرابات، سكرينات، شواحن، قطع غيار...) وقوايم أعطال الصيانة بتكون جاهزة من أول دقيقة، وتقدر تعدّلها زي ما تحب.
الشاشة الرئيسية
أول ما تدخل هتلاقي مبيعات النهارده ومكسبها، رسم للمبيعات يوم بيوم، الأكتر مبيعاً، الفلوس في الأدراج، الآجل اللي عند العملاء، وحالة أجهزة الصيانة. وفوق الأرقام فيه أزرار سريعة لأكتر حاجات بتعملها كل يوم.
أول ما تدخل هتلاقي «ابدأ من هنا» على الرئيسية: خطوات قليلة (بيانات المحل، الأصناف، المخزون، أول موظف، أول بيعة...) بتتعلّم لوحدها وإنت بتخلّصها. ولو عندك مشكلة أو اقتراح، «ابعت ملاحظة» من قايمة حسابك بتوصل لنا على طول.
اختصارات هتوفّر وقتك
- Ctrl + K: دوّر على أي صفحة أو صنف أو عملية من أي مكان.
- F8: استعلام سعر، امسح الباركود وشوف السعر والمخزون في كل فرع.
- F2 في الكاشير: يرجّع المؤشر لخانة البحث عشان تمسح على طول.
- F9 في الكاشير: الدفع.
على الموبايل
نفس البرنامج بيتظبط لوحده على شاشة الموبايل: تقدر تشوف أرقام اليوم وإنت برا المحل، أو تبيع وتستلم أجهزة من التابلت.
