سياسة الخصوصية
إيه اللي بنعرفه عنك وإنت بتزور موقع محاسبي أو بتسجّل محلك، وبنعمل بيه إيه.
وإنت بتتصفح الموقع
- بنستخدم Google Analytics و Meta Pixel (فيسبوك) عشان نعرف عدد الزوار، وجايين منين، وإيه الصفحات والإعلانات اللي بتجيب محلات تسجّل.
- الأدوات دي بتحط ملفات صغيرة (cookies) على جهازك، وبتسجّل الصفحات اللي فتحتها والزراير اللي دوست عليها، من غير اسمك أو رقمك.
- لو جيت من إعلان أو لينك فيه بيانات حملة (utm)، بنحفظ اسم الحملة مع المحل لما يسجّل، عشان نعرف أنهي إعلان نافع.
لما تسجّل محلك
- بنسجّل اسم المحل ونوعه، واسمك ورقم موبايلك، وكلمة السر (متشفّرة، ومحدش يقدر يشوفها حتى إحنا).
- بنستخدمهم عشان حسابك، والاشتراك والفواتير، وعشان نكلّمك لو احتجت مساعدة.
- بنقول لفيسبوك إن محل جديد سجّل (من غير أي بيانات عنه) عشان الإعلانات توصل لناس شبهك.
بيانات محلك جوه البرنامج
- أصنافك ومبيعاتك وعملاءك ومورّدينك بتاعتك إنت. مش بنبيعها، ومش بنستخدمها في إعلانات، ومش بنشاركها مع حد.
- صفحتي التسجيل والدخول بيستخدموا نفس أدوات القياس بتاعة الموقع، لكن بعد ما تدخل البرنامج مفيش أي قياس ولا إعلانات.
- البيانات على سيرفرات مؤمّنة، بتتبعت مشفّرة (HTTPS)، وبيتعمل منها نسخة احتياطية كل يوم.
حقوقك
- تعرف إيه اللي متسجل عنك، وتصحّحه، وتطلب مسحه، طبقاً لقانون حماية البيانات الشخصية رقم 151 لسنة 2020.
- تقدر تمنع أدوات القياس من إعدادات المتصفح (حظر cookies الطرف التالت) أو بإضافة حجب الإعلانات، والموقع هيشتغل عادي.
- لأي طلب كلّمنا على الواتساب أو من صفحتنا على فيسبوك.
إنت عميل لمحل بيستخدم محاسبي؟
بياناتك اللي المحل بيسجّلها (فواتيرك، أجهزتك في الصيانة، حسابك الآجل) ليها صفحة لوحدها بتشرح حقوقك.
خصوصية عملاء المحلاتآخر تحديث: 2026-10-05