البيع من غير نت

النت في المحلات بيقطع، والزبون مش هيستنى. عشان كده الكاشير في محاسبي بيكمّل بيع حتى لو النت فصل خالص.

إيه اللي بيحصل لما النت يفصل؟

• فوق هيظهر «أوفلاين»، والكاشير بيدوّر في نسخة الأصناف والأسعار المحفوظة على الجهاز (بتتحدث لوحدها كل شوية والنت شغال).
• بتبيع عادي بالباركود أو الـ IMEI، والفاتورة بتتحفظ على الجهاز برقم مؤقت OFF-… ومكتوب عليها إنها لسه ما اتسجلتش.
• أول ما النت يرجع، الفواتير بتتبعت لوحدها بالترتيب، وبتتسجل بالوقت الحقيقي اللي اتباعت فيه وبالسعر اللي العميل دفعه.

حاجات مش متاحة وإنت أوفلاين

• البيع الآجل (محتاج رصيد العميل الحالي).
• بعت الفاتورة واتساب ولينك الفاتورة (بيشتغلوا بعد ما تتسجل).

فواتير مستنية

لو فاتورة اترفضت وهي بتتسجل (مثلاً الوردية اتقفلت قبلها)، هتلاقيها في «فواتير مستنية» ومعاها السبب. تقدر تعيد المحاولة بعد ما تصلّح السبب، أو تلغيها.