التقسيط
قسّط فاتورة أو حساب عميل على شهور، بزيادة أو من غير، وتابع المتأخر وحصّل بضغطة.
بيع موبايل أو أي حاجة بالتقسيط من غير كشكول: البرنامج بيعمل جدول الأقساط بمواعيدها، ويقولك مين عليه الدور ومين متأخر، والتحصيل بيدخل درج الوردية.
تعمل تقسيط إزاي
- بيع من الكاشير عادي: المقدّم كاش، والباقي «آجل» على العميل.
- بعد الدفع اضغط «قسّط الآجل» (أو من صفحة العميل «قسّط الحساب» لو عليه رصيد قديم).
- اختار عدد الأقساط (3، 6، 9، 12 شهر أو أي عدد) وميعاد أول قسط، والزيادة كنسبة في الشهر أو مبلغ.
- لو حابب: اسم الضامن وموبايله وملاحظات.
- اطبع «اتفاق التقسيط» بجدول الأقساط، والعميل والضامن يمضوا عليه.
التحصيل والمتابعة
- عليها الدور: المتأخر، واللي ميعاده النهارده أو الأسبوع ده أو الشهر الجاي، وزرار «حصّل» جنب كل قسط.
- التحصيل: القسط أو جزء منه أو الباقي كله، كاش أو فيزا أو محفظة. بيتوزع على الأقساط من الأقدم.
- تذكير واتساب: رسالة جاهزة بالقسط وميعاده وأيام التأخير والباقي.
- لو العميل دفع من صفحته: الفلوس بتسدّ الآجل العادي الأول، والباقي بيتحسب من الأقساط.
- إلغاء التقسيط: الباقي بيفضل آجل عادي على حساب العميل.
من «المميزات» تقدر تحط نسبة زيادة مقترحة في الشهر، أو تخلّي الضامن إجباري. والزيادة بتظهر كمكسب في تقرير المبيعات، وفيه تقرير «التقسيط» للخطط الجديدة والمتأخرين.