الإعدادات: المحل والأقسام والمميزات

بيانات المحل والإيصال

من الإعدادات ← «بيانات المحل والإيصال» (صاحب المحل): اسم المحل وتليفونه، وعنوان وتليفون كل فرع، ورقم التسجيل الضريبي والسجل التجاري، وآخر سطر في الإيصال (مثلاً شروط الضمان). بتشوف شكل الإيصال وإنت بتكتب.

الأقسام

محاسبي مقسّم أقسام: الأساس (الكاشير والمخزون والمشتريات والعملاء والخزنة والتقارير) موجود عند الكل، والباقي (الصيانة، الطلبات بين المحلات، المستعمل، الشحن والتحويلات...) بتفتحه لو محتاجه. أي قسم تقدر تجربه 14 يوم ببلاش.

المميزات

جوه كل قسم فيه حاجات صغيرة ممكن متحتاجهاش. من الإعدادات ← المميزات (صاحب المحل بس) تقدر تقفل أو تفتح:

• الخصم في الكاشير.
• منع البيع لو الصنف خلصان من الفرع.
• لينك وQR الفاتورة للعميل.
• استيراد الأصناف من إكسل، وتنزيل التقارير إكسل.
• صفحة متابعة جهاز الصيانة للعميل.
• إخفاء الأسعار عن المحل الطالب لحد ما الأوردر يجهز.